លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ តំណាងដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញជាអធិបតីក្នុងពិធីបញ្ចុះបឋមសិលាបើកការដ្ឋានសាងសង់ព្រះពុទ្ធប្បដិមា កម្ពស់១០៨ ម៉ែត្រ នៅលើខ្នងភ្នំបូកគោ នៅថ្ងៃស្អែក ថ្ងៃទី៤ ខែមករា ឆ្នាំ២០២៣ វេលាម៉ោង ០៩:០០ នាទីព្រឹក។
នេះបើតាម ទំព័រហ្វេសប៊ុករបស់ លោកផ្ទាល់ និងក្រសួងរៀបចំដែនដី នគរូបនីយកម្ម និងសំណង់ បានបង្ហាញសេចក្ដីប្រកាសព័ត៌មាន នៅថ្ងៃទី៣ ខែមករា ឆ្នាំ២០២៣នេះ។
ពុទ្ធប្បដិមានេះ នឹងក្លាយជាពុទ្ធប្បដិមាទ្រង់ព្រះភ្នែនខ្ពស់ជាងគេនៅលើពិភពលោក ដោយគ្រោងចំណាយសាងសង់ប្រមាណពី ៣០ ទៅ ៤០ លានដុល្លារសហរដ្ឋអាមេរិក ដោយ អ្នកឧកញ៉ា សុខ គង់ ប្រធានក្រុមហ៊ុន សុខា អូតែល។
