ដំណើរការសាងសង់

បច្ចុប្បន្នភាពនៃដំណើរការសាងសង់ព្រះពុទ្ធប្បដិមាកម្ពស់ ១០៨ ម៉ែត្រ លើខ្នងភ្នំបូកគោសំរាប់ខែតុលា

អ្នកឧកញ៉ា សុខ គង់ បានធ្វើបដិសណ្ឋារកិច្ច ស្វាគមន៍ និងប្រគេនចង្ហាន់ពេលព្រឹក ព្រះវិមលសរណញាណ ចាន់. វិសាល ព្រះរាជាគណៈថ្នាក់កិត្តិយស នៃព្រះរាជាណាចក្រកម្ពុជា និង ជាឧត្តមប្រឹក្សាផ្ទាល់ សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះអគ្គមហាសង្ឃរាជ នៃព្រះរាជាណាចក្រកម្ពុជា និង ជាព្រះចៅអធិការ វត្តពារាណសី សិរីមង្គល ខេត្តព្រៃវែងព្រមទាំងព្រះចៅអធិការនិមន្តមកពីខេត្តក្រុងផ្សេងៗទៀត ត្រៀមប្រារព្ធពិធីបុណ្យផ្កាប្រាក់មហាសាមគ្គី នាព្រឹកស្អែកនេះ ដើម្បីរួមចំណែកក្នុងការសាងសង់ព្រះពុទ្ធប្បដិមាកម្ពស់១០៨ ម៉ែត្រលើខ្នងភ្នំបូកគោ

អ្នកឧញ៉ា​ សុខ​ គង់​ បាន​អញ្ជើញ​ចុះពិនិត្យទីតាំងសាងសង់ព្រះពុទ្ធប្បដិមាកម្ពស់​ ១០៨​ ម៉ែត្រ​ និងទីតាំងសម្រាប់ត្រៀមទទួលព្រះសង្ឃ​ ដូនជី​ យាយជី​ និងពុទ្ធបរិស័ទដែលនឹងទៅទស្សនាទីតាំងគម្រោងដោយផ្ទាល់នៅថ្ងៃទី២៤ខាងមុខនេះ

អ្នកឧកញ៉ាបណ្ឌិត សុខ គង់ បានអញ្ជើញទស្សនកិច្ច​ពុម្ពសម្រាប់សាងសង់ព្រះពុទ្ធប្បដិមាកម្ពស់ ១០៨ ម៉ែត្រ ដែលបានមកដល់ការដ្ឋាននាព្រឹកនេះ

នៅថ្ងៃទី២៨ ខែកក្កដា ឆ្នាំ២០២៣នេះ ព្រះគ្រូចៅអធិការវត្តហ្លួង និងពុទ្ធបរិស័ទមកពីខេត្តពោធិ៍សាត់ ប្រមាណជា ៨៧៩អង្គ/នាក់ បាននាំយកនូវបច្ច័យចំនួន ១២.១៥០.០០០រៀល (ដប់ពីរលាន១សែនប្រាំម៉ឺន) ដើម្បីរួមចំណែកក្នុងការកសាងព្រះពុទ្ធបដិប្បមា កម្ពស់១០៨ម៉ែត្រ លើភ្នំបូកគោ ដោយមានការទទួលស្វាគមន៍យ៉ាងកក់ក្តៅពីសំណាក់ អ្នកឧកញ៉ា សុខ គង់ ប្រធានក្រុមហ៊ុន សុខាអូតែល និងសូគីមុិច អុិនវេសមេនគ្រុប។ សូមថ្លែងអំណរព្រះគុណដល់ព្រះគ្រូចៅអធិការវត្តហ្លួង និងថ្លែងអំណរគុណដល់ពុទ្ធបរិស័ទទាំងអស់ សូមប្រគេនពរ និងជូនពរ ព្រះគ្រូចៅអធិការ ព្រះសង្ឃ និង ពុទ្ធបរិស័ទ ទាំងអស់ សូមជួបប្រទះតែពុទ្ធពរទាំងប្រាំប្រការ គឺ អាយុ វណ្ណៈ សុខៈ ពលៈ និងបដិភាណៈកុំបីឃ្លៀងឃ្លាតឡើយ។

នៅព្រឹកថ្ងៃទី២៩ ខែកក្តដា ឆ្នាំ២០២៣នេះ អ្នកឧកញ៉ា សុខ គង់ អញ្ជើញចូលរួមប្រជុំ ដើម្បីពិនិត្យប្លង់សាងសង់ព្រះពុទ្ធប្បដិមាកម្ពស់១០៨ ម៉ែត្រលើខ្នងភ្នំបូកគោ ជាមួយក្រុមការងារផ្នែកស្ថាបត្យកម្ម។

អ្នកឧកញ៉ាបណ្ឌិត សុខ គង់ បានអញ្ជេីញចុះត្រួតពិនិត្យការដ្ឋានសាងសង់ ព្រះពុទ្ធប្បដិមាកម្ពស់១០៨មែត្រនៅលើខ្នងភ្នំបូកគោកាលពីព្រឹកថ្ងៃទី១ ទី១៥ និងទី២៥ ខែឧសភា ឆ្នាំ២០២៣នេះ។

នៅព្រឹកថ្ងៃទី២៩ ខែឧសភា ឆ្នាំ២០២៣នេះ អ្នកឧកញ៉ា សុខ គង់ អញ្ជើញចូលរួមប្រជុំ ដើម្បីពិនិត្យប្លង់សាងសង់ព្រះពុទ្ធប្បដិមាកម្ពស់១០៨ ម៉ែត្រលើខ្នងភ្នំបូកគោ ជាមួយក្រុមការងារផ្នែកស្ថាបត្យកម្ម។

អ្នកឧកញ៉ាបណ្ឌិត សុខ គង់ ប្រធានក្រុមហ៊ុន បានអញ្ជើញចុះត្រួតពិនិត្យ បច្ចុប្បន្នភាពនៃដំណើរការសាងសង់ព្រះពុទ្ធប្បដិមាកម្ពស់១០៨ ម៉ែត្រ នៅលេីខ្នងភ្នំបូកគោក្នុងតំបន់វាលស្រែ៥០០ កាលពីថ្ងៃទី ០៨ ​ខែមេសាកន្លងទៅនេះ។

អ្នកឧកញ៉ាបណ្ឌិត សុខ គង់ ប្រធានក្រុមហ៊ុន បានអញ្ជើញចុះត្រួតពិនិត្យ ការតម្លើងរោងចក្របេតុង និងគ្រឹះនៃការដ្ឋានសាងសង់ព្រះពុទ្ធប្បដិមាដែលមានកម្ពស់ ១០៨ ម៉ែត្រនៅលើកំពូលភ្នំបូកគោ នៅថ្ងៃទី៣១ ខែមីនានេះ។

នាព្រឹកថ្ងៃទី៣ខែមករា ឆ្នាំ២០២៣នេះ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រី ក្រសួង រៀបចំដែនដី នគររូបនីយកម្មនិងសំណង់ តំណាងដ៏ខ្ពង់ខ្ពស់របស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេច​កត្តិព្រឹទ្ធបណ្ឌិត​ប៊ុន រ៉ានី ហ៊ុនសែន បានអញ្ជេីញមានវត្តមានដ៏ខ្ពង់ខ្ពស់ក្នុងពិធីសែនព្រេន នៅរូបសំណាកលោកយាយម៉ៅ និងវិមានអ្នកតាភ្នំដេីម្បីបួងសួង សុំសេចក្តីសុខ សេចក្តីចម្រេីន មុននឹងពិធីបញ្ចុះបឋមសិលាសាងសង់ព្រះពុទ្ធប្បដិមា កម្ពស់១០៨ម៉ែត លើភ្នំបូកគោ ដែលនឹងប្រព្រឹត្តទៅនៅថ្ងៃទី៤ ខែមករា ឆ្នាំ២០២៣។ ក្នុងឱកាសដ៏វិសេសវិសាលនោះក៏មានការអញ្ជេីញចូលរួមអមដំណេីរដោយ អ្នកឧញ៉ា បណ្ឌិត សុខ គង់ ប្រធានក្រុមហ៊ុន សុខា អូតែលផងដែរ។

សូមជូនរូបភាពដែលអ្នកឧកញ៉ាប្រធានលោកអញ្ជើញពិនិត្យការដ្ឋានសាងសង់ព្រះពុទ្ធប្បដិមាដែលមានកម្ពស់១០៨ម៉ែត្រ​ លេីខ្នងភ្នំបូកគោនាព្រឹកថ្ងៃទី១៧​ ខែធ្នូ​ ឆ្នាំ២០២២នេះ!

អ្នកឧកញ៉ា បណ្ឌិត សុខ គង់ ប្រធានក្រុមហ៊ុន សុខាអូតែល បានអញ្ជើញ ចុះត្រួតពិនិត្យ ទីតាំងសាងសង់ព្រះពុទ្ធប្បដិមា កម្ពស់ ១០៨ ម៉ែត្រនៅលើខ្នងភ្នំបូកគោ ក្នុងឧទ្យានជាតិ ព្រះមុនីវង្ស"បូកគោ" ខេត្តកំពតដែលនឹងត្រូវធ្វើពិធីបញ្ចុះបឋមសិលាសាងសង់ នៅថ្ងៃទី ៤ ខែមករាឆ្នាំ ២០២៣ខាងមុខ។